1. Зарим хоёр нутагтан, мөлхөгчид, шувуу болон хөхтний хөлийн хурууг холбосон нимгэн хальс: сарьсан багваахай [амьтан] (урд мөчний уртассан хуруудыг нь холбосон сарьсан далавчтай, хулгана мэт бяцхан, шөнө нисэж ялаа шумуулаар идэшлэдэг дэлэнтэн) - Сарьсан жигүүрт багваахай шөнө нисэх замтай. Д.Равжаа. Зохиолын эмхэтгэл., санаа муут яван хатна, сарьсан багваахай наранд хатна [зүйр цэцэн үг] (үйлийн лай эргээд өөрт тусна гэсэн санаа);

---

2. Нохой, чоно, үнэг зэрэг амьтны хамрын үзүүрийн үсгүй хэсэг: сарьсан хамар (амьтны хоншоорын үсгүй, нимгэн арьстай хэсэг) - Чоно эргэж сарьсан хамраа үрчийлгэн шүдээ ярзайлган ухас хийтэл Дорж яг сарьсан хамар дээр нь нам буулган унагажээ. Б.Бааст Алтайн хөх дөнөн.