1. Архины хүндэтгэл нэр - Сархад нэртэй сайхан амттай, архи нэртэй арслан хүчтэй гэж Загд сөөнгө хоолойгоор уянгалуулан ерөөж эхлэв. Л.Түдэв. Нүүдэл., сархад зооглох (архи, дарс уухыг хүндэтгэж хэлэх) - Та сархад зооглохоо дэндүүлэх бий дээ гэв. С.Удвал. Их хувь заяа., сархдад хөлчүүрэх (архи ууж халах, согтох), сархдын дээж (архи дарсны дээж) - Сархдын дээж мэлтэлзүүлж, зэс гуулин голтонд буяны зул ярайлган өржээ. В.Шарма. Таван сургамж., сархдын үнэр (архи дарсны үнэр) - Өрх бүрийн үүдэнд айраг сархдын үнэр сэнгэнэнэ. Д.Нацагдорж. Зохиолууд., сархдын шим (архи дарсны шим) - Шөнийн богиныг сархдын шимээр цэнгэн өнгөрөөлөө. З.Баттулга. Уяхан замбуутив., архи сархад [хоршоо] (архи дарс) - Бас ордны соёгууд архи сархад, амтат идээ, шүүс зоог авчирч бүгдээрээ хэсэг найрлав. С.Дашдэндэв. Улаан наран., айраг сархад [хоршоо] (ундаа дарс), сархад савнаасаа бусдыг дийлдэг, сар өөрөөсөө бусдыг хардаг [зүйр цэцэн үг] (архийг хэтрүүлэн ууж болохгүй гэсэн санаа);

---

2. [хуучирсан] Доодост үлдээсэн хишиг;

---

3. Тахилын үлдсэн идээ.