1. Төмөр утас, савх мод зэргээр ханын нүд шиг дөрвөлжилж хийсэн эд, эдлэл: цонхны сараалж (цонхны гадуур дөрвөлжлөн хийсэн бэхлээс төмөр) - Дорж тэмтэрч үзвэл даавуунд томж эрчилсэн гогцоо гаргаад цонхны сараалж төмрөөс уясан байжээ. С.Дашдэндэв. Улаан наран., сараалж самбар (савх модыг эгнүүлэн ханын нүд мэт дөрвөлжин нүх гаргаж үйлдсэн ханын самбар) - Улаанбулангийн хананд хөнгөн маягийн сараалж самбар дүүжилнэ. С.Лочин. Сэтгэлийн өнгө., сараалжин үүд (торон үүд);

---

2. Зуух пийшингийн гал түлэх хэсгийн дор байх хоорондоо үнс унах зай завсартай саргар төмөр, шүүр - Нэг гэм нь пийшингийн сараалж төмөр дутуу байв. Ч.Чимид. Хавар намар., үнсний сараалж (пийшингийн үнс унагах зориулалттай саргар төмөр), сараалжин сам (пийшингийн үнс унах зориулалттай шүүр);

---

3. Бүдүүн модыг үзүүрээр нь салаавчилж зөрүүлэн тавьж хоёр талыг шонгоор хашсан адуу, үхэр хоргоох хашаа;

---

4. Усанд хөвж байгаа томоохон зүйлсийг хорих зориулалттай хэрэгсэл.