Санамж болгон хэлсэн үг: хатуу сануулга (алдаа дутагдлынх нь талаар ихэд сэрэмжлүүлж сануулсан дээд албан тушаалтны үг), сануулга авах (анхааруулга санамж хүлээх) - Мөнгөн торгууль хүлээсэн ба бусад уурхайчид сануулга авч, тэрхүү шийтгэгдэгчдийн тоонд Дорж орсон билээ. С.Лочин. Сэтгэлийн өнгө., сануулга өгөх (ажил төрөлд гаргасан алдаа эндэгдлийнх нь талаар санамж хэлэх), анхааруулга сануулга [хоршоо] (анхааран хүлээн авч санамжлан явах үг, сургамж) - Зохих газраас анхааруулга сануулга хэд хэдэн удаа авсан. С.Лочин. Сэтгэлийн өнгө., донго сануулга [хоршоо] (алдаа дутагдлын талаар анхааруулсан, засаж залруулсан зэмлэл), заавар сануулга [хоршоо] (санаж явахыг зааварлан даалгасан үг) - Чингээд тухайн сайдуудаас чамд зохих заавар сануулга өгнө. Б.Ринчен. Сандо амбан., сургамж сануулга [хоршоо] (сургамжлан даалгасан үг) - Малчин ардад сургамж сануулга болгож туйлын чухал үгнүүдийг хэлжээ. С.Буяннэмэх. Түүвэр зохиол.