Хэвлэх


2024-03-29 06:29:43http://mongoltoli.mn/

САНДАЛ

Суухад зориулсан тавилга - Цэнхэр нуурын хөвөөний ягаан байшингийн хажуугийн урт сандал дээр Жавзмаа сууж байв. Д.Цэдэв. Айргийн амт., мухар сандал (түшлэггүй сандал) - Мөнхөө мухар сандал тавьж ирмэг дээр нь суулаа. П.Лувсанцэрэн. Хөдөөгийн дуун., түшлэгтэй сандал (налж суухад зориулсан сандал) - Тэд бургас тавьж тохижуулсан жижигхэн талбайн түшлэгтэй сандал дээр очиж сууцгаалаа. Г.Дүйнхэржав. Арилшгүй мөр., явган сандал (авсаархан, жижиг намхан сандал) - Дондов нэлээд даарсан бололтой галын дэргэд явган сандал дээр суув. “Цог” сэтгүүл., сандлын хөндлөвч (сандлын хөлийг холбосон эд) - Зарим нь сандлын хөндлөвч дөрөөлөн шанаагаа тулж зогсоно. Б.Өлзийсүрэн. Замын хүзүү., сандлын хөл (сандлын тулгуур), сандал суудал [хоршоо] (суух хэрэглэл) - Довтлон орж ширээ исэр, сандал суудал цөм балбаран хэмхэрч... В.Инжаннаши. Хөх судар., сандал ширээ [хоршоо] (юм тавих болон суух тусгай тавцантай хэрэгсэл) - Дэвтэр ном ч үгүй, ширээ сандал ч үгүй ийм байдлын дунд Цэсмаа болон түүний арван дөрвөн нөхөд ном сурлаа. Г.Жамьян. Гал атгасан гар., *сандал ширээ булаацалдах (албан тушаалын тэмцэл хийх), алтан сандал (наадамд уралдаад хоцорч ирсэн морь).

--oOo--