1. Улам сайн болох, чанаржих: ажил сайжрах (ажлын явц эрчимжиж чанаржих), сурлага сайжрах (хичээлдээ сайн болох), үүлдэр сайжрах (үүлдэр угсаа нь чанаржих) - Нутгийн малчин ардын надад тайлбарлаж ярьснаар бол Гомбын ачаар энэ нутгийн үхрийн үүлдэр сайжирч, сүү нэмэгдсэн байна. Ц.Дамдинсүрэн. Түүвэр зохиол., чанар нь сайжрах (улам чанаржих) - Хаврын улиралд агь хамгийн түрүүнд нүдэлж шимт чанар нь улам сайжирдаг. Ж.Самбуу. Мал маллагааны арга туршлага., саруул сайжрах (бөхийн цолны чимэг) - Маш гайхамшигт, саруул сайжрах, хурдан гавшгай гэж байжээ. Ж.Дамдин. Монгол бөх., засрах сайжрах [хоршоо] (улам сайн болох, засал авах);

---

2. Дэвжин дээшлэх, өөдлөн дэгжих; амьдрал сайжрах (амьдрах ахуй нөхцөл дээшлэх), Монголын алтан говьд ард түмний аж амьдрал гоц сайжрав. Б.Бааст. Алтайн хөх дөнөн., сайжран дээшлэхийг хүсэгчид залуугаас эрдэм сур, сааль олохыг хүсэгчид үнээ тэжээ [зүйр цэцэн үг] (аливаа ажил үйлийг үр дүнтэй болгоё гэвэл эх суурийг нь тавихад анхаарах хэрэгтэй гэсэн санаа), *ам сайжрах (олонд нэр хүндтэй болж эхлэх, магтагдах);

---

3. Боловсронгуй болгох;

---

4. Өвчин эдгэрч илаарьших: бие сайжрах (биеийн байдал дээрдэх) - Чимидийн биеийн байдал нь овоо сайжрах төлөвтэй болов. С.Эрдэнэ. Хонгор зул;

---

5. Ааш зан нь зөөлрөх, эелдэг найрсаг болох: зан нь сайжрах (эелдэг найрсаг болох).