Уур, утаа зэргийн ихэд оргилон гарах: амнаас уур савсах (амнаас уур бургин гарах) - Амнаас нь уур савсан өргөн нүүрийг нь манантуулж амьсгалах бүрд дээл нь оволзон сүртэй ч, жавхаатай ч харагдана. Ч.Лодойдамба. Тунгалаг Тамир., утаа савсах (утаа баагих) - Улам чангарч байгаа жавар дунд хүчтэй амьсгаадах нь утаа савсах шиг санагдана. “Цог” сэтгүүл., уур манан савсах (уур манан оргилох) - Халуун усны өрөөнд уур манан савсаж бүсгүйчүүд бие биеийг халуун хүйтэн усаар шүршинэ. Л.Түдэв. Нүүдэл.