1. Тодорхой зорилгогүйгээр бүхий л хэрэг явдалд оролцох дуртай зан: савсаг зан (юм юманд оролцож элдэв хэрэгт дурлах зан байдал) - Нарыг сэрүүтгэн, сарыг халуутган, галба эргүүлэвч, савсаг занг засахаар зэвсэг хэнд ч үгүй гэж байдаг. В.Шарма. Таван сургамж., савсаг хүн (өөрт хамаатай болон хамаагүй хэрэг явдалд оролцох дуртай хүн) - Хөнгөн савсаг хүн чинь муу хүнд ч амархан ашиглагддаг юм байна. Н.Банзрагч. Зам;
2. Хээнцэр, завхай байдал:
савсаг эхнэр (завхай явдалтай бүсгүй) -
Худал хэлэх, хоосон зориглох, хуурамч царайлах, учиргүй тэнэглэх, шинжгүй шунах, ойшгүй загнах эл долоо нь савсаг эмийн шинж буюу. В.Шарма. Таван сургамж., алиа савсаг [хоршоо] (шалиг муу зан)
- Хөл доголон, алиа савсгийн учир “доён Соосгой” нэртэй ажээ. З.Баттулга. Уяхан замбуутив., савсаг завхай [хоршоо] (ааль явдал самуун, зальхай),
савсаг зайдан [хоршоо] (завхай, хааш яаш зан байдал),
савсаг самуун [хоршоо] (хэтэрхий задгай, завхай самуун)
- Савсаг самуун явдал сайхан нэрээ гутаадаг. Д.Равжаа. Зохиолын эмхэтгэл., савсаг шалиг [хоршоо] (хөнгөмсөг, завхай явдал);
савсаг самуун явбал сайхан биеэ гутаана, шалиг балиг загнавал шал нүцгэн хоцорно [зүйр цэцэн үг] (шалиг самуун явдлыг цээрлүүлсэн санаа).