1. Алчуур мэтээр юмны хир тоосыг зүлгэн цэвэрлэх: арчих самбар (бичсэн зүйлийг арчиж арилгаад дахин бичих зориулалттай самбар), тоос арчих (тоосыг нь арилгах, тоосыг нь унагаж цэвэрлэх), ширээ арчих (ширээ цэвэрлэх), нулимсаа арчих (нулимсаа арилгах) - Батаа гуай нулимсаа арчлаа. Ч.Лхамсүрэн. Хурандаа;

---

2. Тариаланд ургасан зэрлэгийн зүйлийг арчуур гэдэг зэвсгээр тасчин арилгах;

---

3. [шилжсэн] Устгах, тонилгох, үгүй хийх - Ховдог шунахай тийм амьтан байх аваас хорвоогийн хөрснөөс тэр дор нь арчаад өгөх болно. В.Шарма. Таван сургамж., *арчсан толь шиг (цэлмэг тунгалаг, цэвэр ариун, хир буртаггүй) - Өглөөгүүр тэнгэр арчсан толь шиг мэлтийгээд нар хэвээр мандав. Б.Бааст. Гэнэн хонгор цаг., *хосыг нь арчих (хонжих, хөрөнгийг нь цөлбөн авах);

---

4. Дайрч унагах бөхийн мэх: харваж дайраад хамж арчих (бөхийн мэх хийх).