1. Уг хэмжээнээс нь охор, бага болгох, богиносгох: уяаг нь саах (уяаг богино болгон уях) - Морь унахад дөхмийг бодож, ташаан дээрээ оосрыг нь саагаад зүүсэн харагдав. Ж.Дамдин. Үймээний жил., дөрөө саах (дөрөөнийхөө сурыг богиносгох), дээс саах (дээс богиносгох), хэмжээ саах (уг хэмжээнээс нь охор, богино болгох);

---

2. Удаашруулах, юмны эрчийг бууруулах: алхаа саах (алхаагаа удаашруулах) - Хар арьст залуу ийнхүү өгөөмөр хонгор аялгуугаар дуудуулсандаа бие сэтгэл нь дулаан бүлээн илчээр амилж алхаа саав. Д.Маам. Тэмээний дууль., хурдаа саах (хурдаа хасаж багасгах) - Хурдаа сааж, зугуухан доошилж буй онгоцны далавчин доогуур уулын мод ч шар, уужим хөндий ч шар үзэгдэнэ. Б.Бааст. Алтайн хөх дөнөн;

---

3. [шилжсэн] Бараа бүтээгдэхүүний үнийг хямдруулах: үнэ саах (үнэ бууруулах);

---

4. [шилжсэн] Хураах: тоо саах (нарийвчлал ихтэй аравтын бутархайг хураах).