Ямар нэгэн үйл бүтээхэд хүндрэл бэрхшээл гарч, ажил хэрэг удаашрах нь: саатал гарах (саад тохиолдох) - Бэлтгэлээ жин тан хангах нь ажлын дундуур саатал гарахгүй байх үндэс болдог байна. Г.Жамьян. Гал атгасан гар., саатал тохиолдох (ажил хэрэгт саад учрах), ажлын саатал (ажлын явцад гарах бэрхшээл), онгоцны нислэгийн саатал (онгоцны нислэг ямар нэгэн зүйлээс шалтгаалж түр хойшлогдох нь), техникийн саатал (техник хэрэгсэлд гэмтэл гарч, ажил зогсох нь) - Техникийн саатал, элдэв саад тотгоргүй ажлаа ид шуурхайлж байсан үе болохоор хүмүүс ажилдаа ядран дэмий сэлгүүцэхээ больсон байж ч мэднэ. Л.Дашням. Бурхантын цэцэг., саатал гэмтэл [хоршоо] (машин техник зэрэгт гарах эвдрэл) - Ямар саатал гэмтэл тохиолдсоныг нэгд нэгэнгүй мэдэцгээж байв. Ч.Чимид. Хавар намар.