1. Адуу зэрэг амьтны зоо, хондлойн арьс - Хар бор морь минь саарь дундаа толботой. ААЗ., саарь толбот морь (хондлой дээрээ толботой морь);

---

2. Адуу зэрэг амьтны хондлой, зооны арьсыг боловсруулан гаргаж авсан зүйл: саарин гутал (адуу малын зооны арьсыг боловсруулан хийсэн гутал);

---

3. Адууны цулгай арьс: шир саарь [хоршоо] (адуу малын арьс, шир);

---

4. Бог малын боловсруулсан өнгөт арьс: хар саарь (бог малын арьсыг боловсруулан хар өнгөтэй болгосон нь) - Нарийхан хар саарин хуйтай сэлэм харагдав. Д.Гонгор нар. Д.Сүхбаатарын тухай дуртгалууд., хүж саарь (элдсэн хатуу арьс), саарин гутал (хонь, ямааны арьсыг боловсруулан хийсэн гутал) - Сармай дээлтэй, саарин гуталтай байв. Б.Бааст. Алтайн цэцэг., саарь сарьс [хоршоо] (бог малын боловсруулсан арьс, түүгээр хийсэн нимгэн илэг) - Даалимбаар өнгөлж, саарь сарьс хөөлгөмөл угалз хараа хадсан…ажээ. А.Дашням. Өлзийнарангийн өчил.