1. Эерэг, сөрөг буюу аливаа зүйлийн хоёр талын аль алины нь шинжийг агуулсан дундын байдал - Ламаас Жамбал, саармагаас Самбуу нар шинэ Доржийг дуурайж, эсэн бусын хүнтэй их сүлбэлдэж байна. Ж.Дамдин. Үймээний жил., саармаг хүйс (эр, эм бэлгийн булчирхайтай бэлгэ эрхтний гаж буруу хөгжил), саармаг эгшиг [х‎э‎л шинжлэл] (хэлний дундуур, дундуураас урагш хэлэгдэх, эр эм үгийн аль алиных нь бүтц‎эд оролцож чадах “и” эгшиг) - Монгол үсэгт саармаг гурван ялгал байдаг юм. П.Хорлоо. Багш., үйрмэг саармаг [хоршоо] (үйрч хэмхэрсэн зүйл, тарж бутарсан байдал) - Үйрмэг саармаг хувиа харснаас үхрийн бөөр шиг нэгдсэн нь дээр. Ж.Бадраа. Уяхан хорвоон хань;

---

2. Шийдвэргүй, тээнэгэлзмээр: саармаг явдал (тогтсон тодорхой шийдгүй хэрэг явдал); солиг саармаг [хоршоо] (зөрчил маргаан бүхий, үнэн учир нь олдохгүй байдал), ташаа саармаг [хоршоо] (буруу зөв, үнэн худал нь мэдэгдэхгүй байдал) - Гагцхүү энэ мэт ташаа саармаг заалдаж чирэгдүүлнэ. Ардын заргын бичиг.