1. Үл мэдэг үнс‎эн цэнхэр, хар туяатай з‎эвхий цагаан өнгө: бор саарал (а. Хар цагаан хольцолдсон зэвхий өнгө - Хамаг юмны өнгө бүдгэрэн хувирч, цав цагаан цас ч гэсэн бор саарал ч юм шиг, бүдэг цэнхэрдүү ч юм шиг харагдах болов. Б.Бааст. Алтайн хөх дөнөн; б. Адууны харавтар сортой цайвар зүсэм), зэвхий саарал (а. Онгож гандсан мэт өнгөгүй байдал; б. Адууны гялбаагүй бор саарал зүсэм), зэгэл саарал (үнсэн саарал), орог саарал (өнгө будаг жигд бус, алаг халтар) - Орог саарал үүлс их цэргийн цувааны дээгүүр баруун тийш хөвөлзөнхөн нүүдэллэнэ. Д.Цэдэв. Айргийн амт., үнсэн саарал (зэвхий саарал, үнсний өнгө шиг өнгө) - Үнсэн саарал тэнгэр аажмаар барайж, төмрийн өнгөөр тунарна. Л.Дашням. Бурхантын цэцэг., хар саарал (цагаантай хольцолдсон хар) - Тохой хэрийн шавар яндан паглайж үзэгдэх агаад амаар нь хар саарал утаа залхуутайяа савсана. Л.Түдэв. Улаан долгион., саарал юм (цайвар хар өнгөтэй зүйл) - Дамбын нүдэнд нэг саарал юм өртөв. Л.Түдэв. Нүүдэл., саарал цагаан элэгт [амьтан] (цайвар цагаан өнгийн сар шувуу);

---

2. Мал адгуусны з‎эгэл зүс: саарал морь (үн‎сэн зүстэй морь) - Сайд баатар Боорчи саарал мориндоо мордож, самуун дайсны өмнөөс, самбааг олж очив. Монголын нууц товчоо., *саарал нохой (чонын цээр нэр) - Зун нэгэн айхтар аянга цахилгаантай борооны үеэр хул азаргын сүрэг рүү дэлт саарал сүргээ дагуулан дайрчээ. Б.Бааст. Алтайн хөх дөнөн., саарал морины зүс солигддоггүй, шар алтны өнгө хувирдаггүй [зүйр цэцэн үг] (юмны уг чанар хэзээ ч өөрчлөн хувирдаггүй гэсэн санаа);

---

3. [шилжсэн] Чанар тааруу, муухан: саарал бүтээл (чанар муутай ном зохиол) - “Саарал” бүтээл гэдэг томьёог бид их хэрэглэж, голцуу саарал зохиол бичиг ч чамлахааргүй тоотой байна. “Утга зохиол урлаг” сонин.