1. Малын сүүний ерөнхий нэр - Саам нь арвин, сав нь дүүрэн, саасан мал чинь суурь сууриараа арвижиг. ААЗ., саам алдах (ямар нэгэн шалтгааны улмаас малаа саалгүй өнгөрөх) - Оройн саам алдсандаа гол нь харласан Дулмаад ажиглаж мэдэх сэхээ байсангүй. “Цог” сэтгүүл., саам сүү [хоршоо] (малын сүү);

---

2. Гүүний түүхий сүү: саам арвин (саасан сүү их), айраг саам (гүүний түүхий болон исгэсэн сүү) - Айраг саам анхилуулсан... ай хөө тааламж төгс орон. Ж.Бадраа. Уяхан хорвоон хань., сааль саам [хоршоо] (гүү болон бусад малын сүү);

---

3. Нэг удаагийн саалгын сүү: бүтэн саам (нэг удаагийн саалгын бүх сүү) - Бүтэн саамны жаран литр сүү алдчихлаа. “Цог” сэтгүүл., оройн саам (оройн цагт саах сүү, оройн саалга), - Арваад хүн оройн саамны сүү авчраад цувран зогсож сүүгээ хэмжүүлж байна. П.Лувсанцэрэн. Хөдөөгийн дуун., өглөө оройн саам (өглөө, оройд сааж авах сүү) - Саальчид өглөө оройн саам нийлээд өдөрт гурваас дөрөвхөн литр сүү сааж байгаа. Б.Бааст. Алтайн хөх дөнөн., саам болох (гүү саах цаг болох).