Хэвлэх


2024-03-29 11:42:40http://mongoltoli.mn/

ӨТГӨН

1. Шингэний эсрэг утга, агшуун - Шөлгүй өтгөн хоол болжээ. Яриа., өтгөн тараг (аглиун тараг), өтгөн цай (идээ ихтэй, богшсон цай);


2. Зузаан нягт, шигүү: өтгөн манан (цаад зүйл нь үл харагдах хуралдсан их манан), өтгөн үүл (бөөн их үүл) - Өтгөн үүл тэнгэрт хуралдав. Ж.Пүрэв. Аянга., өтгөн үс (ширхэг нь бүдүүн их үс);
3. Юм хоорондын зай ойр, шахуу: өтгөн ой (шигүү модтой ой), өтгөн шугуй (мод ургамал ихтэй, мод ургамал нь хоорондоо ойрхон зайтай ургасан их ой), өтгөн хөмсөг (үс нь хоорондоо нягт, үсэрхэг хөмсөг) - Тэгшхэн өтгөн хар хөмсгөө сөхөж... Ж.Дамдин. Үймээний жил;
4. Дуу чимээний бүдүүн: өтгөн дуу (бүдүүн дуу) - Анчдыг тэргүүлж явсан Мазаалай өтгөн дуугаараа хүнгэнэнэ. Б.Ринчен. Заан залуудай;
5. Өнгө будгийн гүн: өтгөн ногоон (гүн, хар ногоон), өтгөн хар утаа (баагьсан их утаа) - Комбинатын хос яндангаар өтгөн хар утаа багтаж ядах мэт баагин гарч байна. С.Лочин. Газрын дуун;
6. [шилжсэн] Хүн, амьтны шингэн бус мөр: өтгөн мөр үзэх (хүндрэх, баах), өтгөн шингэн мөр [хоршоо] (ялгадас) - Тэр ч байтугай бие зассан хувинтай өтгөн шингэнг нь гаргуулж асгуулсангүй. Ж.Дамдин. Үймээний жил.

--oOo--