1. Хөөрүүлсэн сүүний дээгүүр тогтсон цөцгийрхөг идээ - Тогоотой өрөм маань ямар сайхан загссан байна, харахгүй юу? Л.Дашням. Нялх ногоо., тогооны өрөм (а. Тогоотой сүүний дээгүүр тогтсон тослог хөрс; б. Загссан өрмийг хавсран авсан байдал), өрөм байлгах~өрөм загсаах (хөөрүүлсэн сүүгээ хөргөж дээгүүр нь зузаан тослог хөрс тогтоох), өрөм загсах (хөөрүүлж самарсан сүү хөрөхөд дээгүүр нь тослог хөрс тогтох), өрмөө хайлах (зун, намар хураасан тогооны өрмөө хайлж, тос гаргаж авах) - Цэнд хүүхэн өрмөө хайлж холих цаг болов. Ч.Лодойдамба. Тунгалаг Тамир., өрөм давс (өрөм адил давхарлан тогтсон давс), өрмөн шаргал (өрөм шиг шаргал өнгө) - Өлгийтэй хүүгийн минь магнай дээгүүр өрмөн шаргал туяагаа тусгаад... ирэв. Б.Жамц. Сэтгэлийн нууц., өрөм зөөхий [хоршоо] (хөөрүүлсэн сүүг самраад болон самралгүй хөргөхөд тогтох тослог идээ), өрөм бяслаг [хоршоо] (хөөрүүлсэн сүүний дээр тогтох цөцгийрхөг тос болон сүүг ээдүүлэн шахаж хийсэн цагаан идээ), өрөм хулгайч [амьтан] (усны лаг доторх авгалдайнаас гарч, усны орчинд нисдэг нэг зүйл шавж) - Өрөм хулгайч нь нуур цөөрмийн дээр нисэж, жижиг хорхой шавжаар хооллодог. “Амьтны зурагт толь”., *өрөмний өт шиг (тогтворгүй, их хөдөлгөөнтэй байх);

---

2. Шингэн зүйл хөрж царцахад дээгүүр нь тогтох нимгэн хөрс: айргийн өрөм (айргийн дээд талыг бүрхсэн нимгэн хөрс), цайны өрөм (аяга, саванд хийсэн цай хөрөхөд дээгүүр нь тогтох нимгэн хөрс).