1. Юмны хоёр ирмэг нийлэхэд үүссэн булан, сэжүүр: авдрын өнцөг (авдрын булан), ширээний өнцөг (ширээний булан) - Ширээний өнцгийг хуруугаараа оролдов. Л.Содов. Хаврын нар., өнцөг зангиа (булангийн нэг зүйл хээ), өнцөг булан [хоршоо] (а. Юмны зах сэжүүр; б. Буйд бөглүү газар буюу алс холын газар);

---

2. Нэг цэгээс гарсан хоёр шугамын хоорондох зай: мохоо өнцөг (ерэн градусаас их), тэгш өнцөг (ерэн градус), хурц өнцөг (ерэн градусаас бага), өнцөг тогтмолын хууль (нэг талстын төсөөтэй талуудын хоорондох өнцөг ямагт адилхан байна хэмээн заасан хууль);

---

3. [шилжсэн] Өө сэв: өө өнцөг [хоршоо] (өө сэв) - Үгний өө өнцөг андахгүй. Я.Цэвэл. Монгол хэлний товч тайлбар толь.