1. Ах дүү, садан төрөл олонтой: өнөр бүл (ам бүл олонтой айл), өнөр олон [хоршоо] (а. Олон түмэн; б. Ямар нэгэн зүйл тоо хэмжээний хувьд их, олон) - Өнөр олныг тойрохгүй дайрдаг өнчрөл гэдэг хатуухан билээ. Ж.Дамдин. Үймээний жил., өнөр өтгөн [хоршоо] (үр хүүхэд, хамаатан садан олонтой) - Өнөр өтгөн хүнд өлзий өгөөмөр их. Шүлэгч Лувсандондовын бүтээл., өнөр хүнд нөхөр олон, өнчин хүнд ноён олон [зүйр цэцэн үг] (өнөр өтгөн хүн олон найз нөхөртэй байдаг, өнчин хүнийг дээрэлхэн дарлах хүн олон байдаг гэсэн санаа);

---

2. Үлэмж, их;

---

3. [шилжсэн] Элбэг, баян: өнөр жил (хур тунадастай, өвс ногоо арвин ургасан сайхан жил), өнөр жаргал (элбэг, аз жаргал байдал), өнөр баян [хоршоо] (баян тансаг) - Өнөр баян нэр дуурсгагч өглөгийн үг болсон. Шүлэгч Лувсандондовын бүтээл.