Ямар нэгэн ёслол, зан үйлийн холбогдолтой ажиллагаанд зориулан өмсөх тусгай хувцас: бөхийн өмсгөл (барилдаж буй бөхчүүдийн өмсдөг хувцас буюу зодог шуудаг), бэрийн өмсгөл (гэрлэх гэж буйн эмэгтэйн өмсөх хувцас) - Тэр богцонд шинэ буулгах бэрийн өмсгөл хувцас байсан гэдэг. Ц.Дамдинсүрэн. Түүвэр зохиол., хуримын өмсгөл (гэрлэх ёслол үйлдэж буй хосуудын өмсөх хувцас), төрийн өмсгөл (төрийн ёслолын үйл ажиллагаанд өмсөх хувцас), шашны өмсгөл (шашны ёслолын үйл ажиллагааны үеэр өмсдөг хувцас) - Шав хийсэн залуу эр шашны өмсгөлийг өмсжээ. Д.Нацагдорж. Зохиолууд., эрдэнийн чимэгт өмсгөл (эрдэнээр чимсэн хувцас) - Хан гүнж хангардийн дүрт хөлгөндөө заларч мана эрдэнийн чимэгт өмсгөл зүүдлэн... байв. В.Шарма. Таван сургамж.