1. Идэш уушны шим тэжээл, чанар: өлгүй хоол (шим тэжээл муутай, чанаргүй хоол) - Өлтэй хоол гурван өдрийг даах, өдтэй шувуу гадаад далай гатлах. ААЗ., өл шим [хоршоо] (шим, тэжээл);

---

2. Хоол тэжээл: өл муутай (а. Шим, тэжээл муутай; б. Өлсгөлөн) - Уяа сойлго гэдэг нь өл муутай олон хонуулахыг хэлж буй бус. Ж.Самбуу. Мал маллагааны арга туршлага., өл сайтай (а. Шим, тэжээл ихтэй; б. Гэдэс цатгалан), өл авах (шим т‎эжээлтэй хоол идэж, мөддөө өлсөхөөргүй болох), өл алдах (хоол ундаар дутагдах) - Энэ тэнгэр нүд гарах янз алга, хэдэн мал өл алдах байгаа даа. Л.Дашням. Бурхантын цэцэг., өл залгах (а. Идэш хоол дуусахын даваан дээр хоолтой болох; б. Өлсгөлөн байх үедээ хоол идэх; в. Хүнсээ ихэд арвилж амь зуух) - Цэргүүд үхсэн морьдын махаар өл залгахаас өөр аргагүй болов. Н.Батбаяр. Өндөрт хатгасан туг., өл даах (а. Өлсөхийг тэсвэрлэх - Хоёр хоног өл даах биз. Ж.Пүрэв. Гурван зангилаа; б. Шим, тэжээл сайтай хоол идсэн учраас амархан өлсөхгүй байх) - Өл даах хоол шүү. И.Дамбажав. Монгол үгийн д‎ээж., өл дарах (өлсгөлөн үедээ бага зэрэг юм идэх), өл суух (идээ ундааны өег болох), өл тасрах (а. Идсэн хоол шингэж өлсөх; б. Идэш хоолгүй болох), өл хоол [хоршоо] (хоол хүнс) - Гурван хоног өл хоолгүй уяхад гэдэс татсан. С.Эрдэнэ. Малын хөлийн тоос.