1. Шим тэжээл сайтай, нүнжигтэй, чанарлаг: өег хоол (шим тэжээлтэй хоол) - Миний хүү наад сүүлээ будаатайгаа холиод үмхчих, өөх өег байдаг юм. С.Лочин нар. Галтай залуу нас., өег цаг (элбэг дэлбэг сайхан цаг);

---

2. Цатгалан: өег суух (цатгалан байх); өег цатгалан [хоршоо] (хоол унданд ховдоглон шунахгүй байдал, цатгалан) - Өнөд тарган, өег цатгалан онд мэнд оров уу? Х.Нямбуу. Хамгийн эрхэм ёсон;

---

3. [шилжсэн] Аливаа зүйлд хомхойрон шунадаггүй таатай байдал: өег сэтгэл (тааламжтай сайхан сэтгэл) - Өег сэтгэл төрөм өөдрөг юм ч байдаг. Б.Жамц. Сэтгэлийн нууц., өег тавтай (амар тайван байгаа нь), өег явах (сэтгэл санаа тайван, хангалуун байдалтай байх) - Сэтгэл минь юутай өег явдгийг ярих юун билээ. Л.Дашням. Нялх ногоо.