1. Газрын өндөр тийш явах: өгсөх зам (газрын өндөрлөг тийш чиглэн одсон зам) - Холын холыг чиглэж хотойж өгсөх зам. Ж.Дамдин. Үймээний жил., даваа өгсөх (уул давааны өндөр хэсэг рүү явах) - Даваа өөд өгсөж явсаар... байлаа. Ц.Уламбаяр. Хүний чанар., хөндий өгсөх (газрын өндөрлөг тийшээ явах) - Хануйн хөндийг өгсөөд... Хиагтын баруун нуруун дээр гарч ирэв. Д.Гонгор нар. Д.Сүхбаатарын тухай дуртгалууд., гудамжаар өгсөх (гудамжны эх тийшээ явах), шатаар өгсөх (шат өөд гарах) - Тэгээд шатаар өгсөөд мэдэлгүй өнгөрсөн зүйлээ... олж мэдэв. Б.Полевой. Эцсийн бүлэгт., уулын ам өгсөх (уулын ам өөд явуулах), өгсөх дэвших [хоршоо] (ажил амьдрал нь ахин дэгжих), өгсөх өөдлөх [хоршоо] (амьдрал ахуй нь дээшлэх, сайжрах), өгсөх уруудах [хоршоо] (а. Өөд уруу хэрэн явах; б. Дээшээ доошоо болох; в. [шилжсэн] Мандан буурах);

---

2. Ус болон агаарын урсгал сөрөх - Буданчийн голыг өгсөж уруудаад бужигнаж байсан. Ц.Уламбаяр. Зовлон жаргал.,

---

3. [шилжсэн] Дуу хөгжмийн хөг ая нарийсах: хоолой нь өгсөх (дуучны хоолой хөгжмөөсөө нарийсан шингэрэх), өгсөх хос эгшиг [хэл шинжлэл] (хэлэхийн явцад дууны хөвч чангаран тод хүчтэй сонсогдох хос эгшиг, нэг үе бүтээсэн хоёр эгшгийн үе бүтээхэд зонхилох үүрэг бүхий эгшиг нь ардаа байна);

---

4. [шилжсэн] Хүн, амьтны цусны гүйдэл чээж, толгой тийшээ чиглэх.