1. Харамч бус өглөгч зан байдал: өгөөмөр хүн (а. Өглөгч хүн; б. Уужуу тайван, сайхан сэтгэлтэй хүн), өгөөмөр сэтгэл (тусч сайхан сэтгэл) - Миний анчин Ермолой өгөөмөр сэтгэлтэй дайлагчийн араас хүндэтгэлтэй мэхийн талархав. И.С.Тургенев. Ангуучны тэмдэглэл., *өгөөмөр гар (сэтгэлээсээ туслан дэмжиж буй хүн) - Нэгэн хүний өгөөмөр гар тууш сайхан бодол үгүйлэгдээд ч байх шиг санагддаг байлаа. Л.Дашням. Бурхантын цэцэг;

---

2. Элбэг дэлбэг, баян тарган: өгөөмөр устай худаг (ус элб‎э‎г, ундарга сайтай худаг), өгөөмөр баян (а. Элбэг хангалуун, б. Тусч сайхан сэтгэлтэй баян хүн);

---

3. Байгаль дэлхийн өгөөж их, дэлгэр сайхан цаг үе - Өссөн төрсөн өгөөмөр баян нутаг... цэв цэнхэртэн харагдана. Ж.Дамдин. Үймээний жил., өгөөмөр жил (өнтэй сайхан жил), өгөөмөр зун (ургамал ногоо их ургасан, зуншлага сайтай зун) - Өгөөмөр зунд нь халууцахын эрхгүй сүүдэртэй ч юм шиг. Д.Содномдорж. Түм буман хүүхэд., өгөөмөр хур (өвс ургамал, тариа ногооны ургалтад сайнаар нөлөөлсөн хур).