1. Буяны үйл арвижихыг бодож сүм хийд, лам хувраг нарт өргөх өргөл: буяны өглөг (буяныг бодож өгсөн барьц), өглөг буян [хоршоо] (буян санаж өргөх барьц) - Тоорцогны урд талд зэндмэнэ (жиндмэнэ)хэмээгч өглөг буяныг хураагч… норов эрдэнийг шошоор үйлдэн… гоёмсоглон урлажээ. Х.Нямбуу. Хамгийн эрхэм ёсон;

---

2. Бусдад тус болох, нинжин сэтгэлийн үүднээс бусдад өгсөн зүйл: өглөгийн эзэн (а. Ямар нэгэн зүйлийг сайн санааны үүднээс тусламж болгон өгч буй хүн; б. Сүм хийдийн газарт хурал ном айлтган өргөл барьц өгсөн хүн) - Эдүгээ өглөгийн эзнийг яахин зүгээр өнгөрүүлж болох... билээ. Хүйтэн уулын бичиг., өглөг өгөх ~ өглөг түг‎ээх (тусламж болгон юм өгөх) - Хоёрдугаар хувийг олон гуйлгачинд өглөг болгон өгөв. А.Толстой. Мөнгөн ноён., өглөг хишиг [хоршоо] (өөрийн санаагаар бусдад тус дэм болгон өгч буй зүйл) - Цотон авгай над өглөг хишиг өгч байна. Гэсэр.