1. Бие зовуурьтай болох, эвэрлэх: гэдэс өвдөх (гэдэс мушгих), толгой өвдөх (толгой тархи янгинах), цохиулсан газар өвдөх (цохиулсан газар хөндүүрлэх), дуншин өвдөх (төрөх гэж буй эмэгтэй ойр ойрхон өвдөх) - Эхнэрийнх нь царай зүс барайж дуншин өвдөж байгаад сэтгэл нь тун их зовж суув. Л.Дашням. Бурхантын цэцэг., өвдөх зовох [хоршоо] (бие тавгүйрхэн энэлж шаналах) - Улсын ажил хэрэгт зүтгэхдээ айх эмээх, даарах хөрөх, өвдөх зовох, өлсөх ундаасах... зэргийг үл ажирна. Д.Гонгор нар. Д.Сүхбаатарын тухай дуртгалууд;

---

2. Өвчин тусах: хүүхэд өвдөх (хүүхэд өвчин тусах) - Хүүхдүүд... өвдөж байсан явдал аль олон тохиолдсоныг хэлж барах билээ. “Цог” сэтгүүл., өтөлж өвдөх (нас ахиж өвчин тусах) - Өтлөх өвдөх, үхэх төрөх бус уу. В.Инжаннаши. Нэгэн давхар асар., өлсөж өвдөх (хоол ундгүй удаан байснаас өвчин тусах);

---

3. [шилжсэн] Сэтгэл зовох: зүрх өвдөх (сэтгэл зовох) - Зүрх өвдсөн олон мөргөлчингүүд дүнгэр дүнгэр ярьж, лам нар амандаа Гомбын зүрх гэдэг тарни урин бувтналаа. Л.Түдэв. Алтан гадас чигийг заана., өр өвдөх (сэтгэл шимшрэх).