Хэрэг явдлыг танин мэдэх, ухаарч ойлгох чадвар, ухаан, билиг: оюуны чадвар (сэтгэн бодох, таньж мэдэх чадвар), оюуны ажил (бичгийн хүний хөдөлмөр), оюуны хөдөлмөр (ухаан зарж хийх хөдөлмөр), оюуны өв (үндэстний баялгийн нэг төрөл: оюуны үнэт зүйл), оюуны өмч (хүний оюун ухааны үр дүн болох шинжлэх ухаан, технологи, соёл урлагийн үнэ цэн бүхий бүтээлийг эзэмших, ашиглах, захиран зарцуулах эрх), оюун дүгнэлт (хэд хэдэн өөр өөр бодомжийг холбон шинэ бодомж гаргах оюуны үйлдэл), оюун санал (уураг тархиндаа тунгааж бодож гаргасан санал бодол), оюун төгөлдөр (ухаан сэргэлэн), оюундаа шүүн үзэх (ухаан санаандаа тунгаан бодох), оюун билиг [хоршоо] (хүний нэгтгэн дүгнэх, задлан шинжлэх, магадлах, бүтээх чадвар, оюун ухаан) - Урт хол, уран нарийн хамт бүрдсэн жонон мэт, оюун билиг, ухаан санаа цугаар цугларсан Мухулай мину. В.Инжаннаши. Хөх судар., оюун бодол [хоршоо] (ухаан бодол), оюун ухаан [хоршоо] (юмс үзэгдлийг танин мэдэх, нэгтгэн дүгнэх оюуны үйл ажиллагаа, ойлгож ухаарах чадвар) - Энд ойр суухад оюун ухаан сэргэнэ. Шүлэгч Лувсандондовын бүтээл., оюун ухааны байдал (ухаарч сэхээрэх чадвар), *оюуны ам нээгдэх (оюун ухаан сайжрах), *оюуны лянхуа нээх (гэгээрэх, ухаарах) - Ногоо нялх боловч тэнгэрийн хураар тэжээвэл удалгүй өсөх, хүн бага ч сургаал үгээр тордвол оюуны лянхуа нээх. Д.Равжаа. Ноён гэгээний зохиосон Хаврын зугаа хэмээх сургаал оршив., омгийн гүдгэр шилд оюун эрдмийн ус тогтохгүй [зүйр цэцэн үг] (бардам зантай хүн юм сурдаггүй гэсэн санаа).