Хэвлэх


2024-05-06 04:09:41http://mongoltoli.mn/

ОЧИХ

1. Зорьж хүрэх, явж хүрэх: ажилдаа очих (ажилдаа явах), амралтад очих (амралтад зорьж хүрэх), номын санд очих (номын сан луу явах), хуримд очих (хурим хийж буй газар луу явах), нутагтаа очих (нутагтаа хүрэхээр явах) - Мөнгөн цагаан хөлгөнд сууж, нутагтаа очихоор явлаа. С.Эрдэнэ. Өгүүллэгийн түүвэр., эмчид очих (эмчид үзүүлэхээр зорих), айлчилж очих (айлчлан явах), гүйж очих (гүйж хүрэх), гэтэж очих (сэм гэтэж хүрэх), ирж очих (ирэн очиж байх), *аавынд очих~нарсанд очих (шоронд орох), *тэнгэрийн оронд очсон юм шиг (диваажинд хүрсэн мэт);


2. [шилжсэн] Бүсгүй хүний нөхөрт гарах: хадамд очих, хүнд очих (хүний эхнэр болох) - Хадамд очдог нас шүү хайлж уйлаад яахав. Д.Нацагдорж. Учиртай гурван толгой;
3. Зарим үгтэй хамжиж, үйл явдлын бүрмөсөн, эрч хүчтэй болохыг зааж туслах үйл үгийн утгаар хэрэглэгдэнэ: нэвт очих (шууд тусах), хага очих (хагарах), цөм очих (тухайн зүйлийг цөмөртөл хүчтэй тусах), *очиж очиж (а. Удтал эрж сурах буюу хийж ядан бүтэлгүйтэх байдал; б. Бүр, ер) - Тэгээд очиж очиж ингэж уулзах ч гэж дээ. П.Хорлоо Багш.

--oOo--