1. Шатаж байгаа зүйлээс цацрах жижиг цог - Фермийн хэдэн гэрийн яндангаар оч гялалзан дээш үсрээд төдхөн унтрах нь сэтгэлд нэгийг бодогдуулна. С.Лочин нар. Галтай залуу нас., оч гаргах (шатаж буй зүйлээс жижиг цог цацруулах), оч харвах~оч үсрэх (а. Галын цог цацран гарах; б. [шилжсэн] Нүдийг юманд цохиулах буюу хүчтэй доргиох үед оч мэт зүйл сэрэгдэх - Нүднээс оч үсрэх шиг болов. Яриа), гал оч [хоршоо] (асаж буй зүйлээс гарах дөл болон цацрах жижиг цог), олны үг ортой, оройн бургас очтой [зүйр цэцэн үг] (олон түмэн огт үндэсгүй зүйл ярьдаггүй гэсэн санаа);

---

2. [шилжсэн] Цог жавхаа: жаргалын оч (аз жаргалтай байдал илтэд мэдэгдэх нь) - Хөөрхөн хар нүдэнд нь жаргалын оч гялалзах болсныг эх нь ажжээ. Н.Банзрагч. Зам., оч бадрах (а. Галын жижиг цог үсчин цацрах; б. [шилжсэн] Хорсол хилэн, ааг омог, зориг ихээр оргилох, сэтгэл хөдлөх; в. [шилжсэн] Нүд гэрэлтэн гялалзах) - Хүүхний нимгэвтэр цагаан царай, оч цацруулан гялалзах нүдийг олж хараад... байлаа. С.Лочин. Газрын дуун.