1. Уртын эсрэг утга, богино, оодон: иш охор (иш нь богино), охор дээл (хормой богино, оодон дээл), охор дээс (богино дээс) - Ховооны иш охор бол худгийн гүнийг яаж мэднэ. ААЗ., охор харавч (хуягийн нарийн тушим ханцуй), охор яс~охор сүүл (нурууны шувтарга үзүүрийн жижигхэн яснууд), охор хүч [хуучирсан] (өдрөөр хөлслөх зарц), олны нүд од, охор хуруу жад [зүйр цэцэн үг] (олон түмэн өө сэвийг андахгүй мэддэг, чигчий хуруу ч гэмээ нь хүнд бэрх цагт хэрэг болно гэсэн санаа);

---

2. Цаг хугацаа өнө удаан биш: өвлийн өдөр охор (өвлийн өдөр богинохон), охор наслах (богино наслах), охор уур (түргэн уурлах хэдий ч уур нь дорхноо гардаг байдал), охор нүүдэл (нүүдлийн цаг хугацаа, зай төдий л хол бус, ойр байгаа нь) - “Цагаан Түнгийн голынхон” хоёр дахь охор нүүдлээ хийв. Б.Бааст. Алтайн цэцэг;

---

3. Хэмжээ бага: охор өгүүлэл (өгүүллийн хэмжээ бага), охор илтгэл (илтгэлийн хэмжээ бага);

---

4. [шилжсэн] Өнгөц бодож сэтгэх байдал: охор бодол (алс холыг бус өнөө маргаашаа бодсон нь), охор санаа (мөчидхөн бодол санаа), охор явдал (тухайн хэрэг явдал нь удаан үргэлжлэх боломжгүй байдал).