1. Аливаа юмыг хайрлах гамнах байдал, арви гам: ариг байх (гамтай байх), ариг сайтай (гамтай), ариг гам [хоршоо] (ариглан гамнах явдал) - Бэлтгэсэн тэжээлээ ариг гамтай зарцуулж‎ээ. Ж.Самбуу. Мал маллагааны арга туршлага;

---

2. Хүний биеийн арчилгаа тордлогоо: биеийн ариг хийх (биедээ гам хийх) - Хувийн журмаар биеийн ариг хийх нь чухал. “Цог” сэтгүүл;

---

3. [шилжсэн] Биеийн амрыг харж хойргоших, залхуурах байдал: ариг суух (зүгээр суух), биеийн ариг харах [яриа] (биеийн амрыг харах, биеийн амрыг бодох), ариг сул [хоршоо] (сул зүгээр) - Алба ажлаас чөлөөлөн ариг сул суух болов. А.Дашням. Хүрэндэлтийн хүүхэн.