1. Үхдэлд оршсон буг, чөтгөр буюу “боссон хүүр” гэсэн утгатай үг - Ооно хүрээд ирвэл замыг нь заагаад өгье дээ, ороолон хүрээд ирвэл чамайг заагаад өгье дөө. ААЗ., ороолон болох (буг чөтгөр болох), буг ороолон [хоршоо] (буг чөтгөр) - Буг ороолон болсон гэнэ. - Чамд хэн хэлэв? П.Хорлоо. Багш., ороо нь ороогоороо, ороолон чөтгөрөөрөө [зүйр цэцэн үг] (таарч тохирохоороо нийлэх гэсэн санаа);

---

2. [шилжсэн] Маш дүрсгүй, дэггүй - Хүн биш ороолон хүмүүжүүлж байна гэж хүн бүр Цамбыг зэмлэв. Л.Түдэв. Нүүдэл суудал., *босоо ороолон (а. Дүрсгүй хүүхдийг муушаасан үг; б. [шилжсэн] Их элдэвтэй зальхай этгээд, дийлдэшгүй; в. Зүс буруулан оргосон хүн) - Энэ чинь хүн биш ёстой босоо ороолон гэгч байна. Ж.Дамдин. Миний монгол.