1. Аливаа үйлдвэр, албан газарт ажиллах ажилчдын тоог тогтоосон нь: орон тоо [хоршоо] (ажиллах хүчний тоо хэмжээ), орон тоо гарах (ажлын байр бий болох) - Төв эмнэлэгт нэг цэцэрлэгчийн орон тоо байна гэжээ. Б.Жамц. Сэтгэлийн нууц., орон тоо батлах (ажиллах хүчний тоог тогтоон батлах), орон тоо хэмнэх (ажлын байр багасгах, тухайн газар ажиллах хүчнийг цөөрүүлэх) - Энэ хугацаанд ангийн хэмжээгээр олон хүний орон тоо хэмнэж... “Хөдөлмөр” сонин;

---

2. Тооны арав дахин нэмэгдэх бүрийг тэмдэглэсэн тэмдэгт: аравтын орон (аравтын тооны байр) - Эртний Энэтхэгт тавин оронтой тоо хүртэл цөм нэртэй байсан нь монголчууд Энэтхэгээс тооны ухааны уламжлалтай. Б.Ринчен. Өмнө этгээдэд зорчсон тэмдэглэл;

---

3. Төлөөс, нөхөөс - Энэ номын оронд тэр номыг ав. Яриа., чиний оронд (чиний өмнөөс), хуучин зарлалын оронд шинэ зарлал гаргах (хуучин байсан зарлалыг авч шинэ зарлал тавих), бусдын оронд ажиллах (бусдын хийх ёстой байсан ажлыг орлон хийх).