1. Ямар нэгэн зүйлийг хийж бүтээхээр чармайх, мэрийх: амжилтад хүрэхийг оролдох (амжилт гаргахаар хичээн зүтгэх), дэмий юмаар оролдох (хэрэггүй зүйл хийхээр мэрийн цагаа үрэх), цагаа засах гэж оролдох (цагаа янзлах гэж ихэд мэрийн чармайх), чадлаараа оролдох (байдаг хүчээрээ хийхийг мэрийх), өөрийгөө цагаатгахыг оролдох (өөрийгөө буруугүй хэмээн баталж мэлзэх), санаачлан оролдох (ямар нэгэн зүйлийг бүтээхээр идэвх зүтгэл гарган ажиллах), хэл сурах гэж оролдох (ямар нэгэн хэл сурах гэж ихэд хичээллэх), оролдон зүтгэх (ихэд чармайн мэрийх) - Ханд ван тавьсан тангаргаа биелүүлэхээр долоон жилийн турш оролдон зүтгэснээр сая хэргийн туйлд ойртов. Л.Түдэв. Алтан гадас чигийг заана., оролдвол бүтнэ, ховловол гутна [зүйр цэцэн үг] (аливаа ажил хэрэгт уйгагүй зүтгэх хэрэгтэй гэсэн санаа), оёсоор оёсоор уран болдог, оролдсоор оролдсоор дархан болдог [зүйр цэцэн үг] (уйгагүй хийвэл дадлагажиж сайжрах гэсэн санаа);

---

2. Гарт өртсөн юмыг дэмий хөдөлгөн барилах: үсээ оролдох (үсээ барилан зогсох) - Тэгээд буруу харж үснийхээ үзүүрээр оролдон зогсов. Л.Түдэв. Нүүдэл суудал., эдээрээ оролдвол эвдэхийн тэмдэг, эхнэрээрээ оролдвол салахын тэмдэг [зүйр цэцэн үг] (зүгээр байгаа зүйлийг өөнтөглөн оролдвол тэр зүйлээсээ салахын дохио гэсэн санаа);

---

3. Ямар нэгэн бүтэлгүй зүйл үйлдэхээр хөдлөх: хов хутгах гэж оролдох (хүмүүсийн хооронд худал ярих);

---

4. [шилжсэн] Хүнийг янз бүрээр шоглож гоочлох, даажигнах - Дүү минь ахаараа оролдсоны хэрэггүй шүү гэж хашхираад ухасхийв. Н.Банзрагч. Зам., хүнээр оролдох (хүнийг элэг доог болгон наадах), оролдох наадах [хоршоо] (гоочлон шоолох, даажигнах);

---

5. [шилжсэн] Бүсгүй хүнд сээтэн хаях - Харин Дулмаагаа л оролдсоноороо оролдоод үзье. Д.Мягмар. Нийлэх замын уулзвар.