1. Орой гаргах; юманд орой хийх: малгай оройлох (малгайн орой хэсгийг хийх), байшин оройлох (байшингийн дээвэр хийх), төмрөөр оройлох (төмрөөр орой хийх);

---

2. Уулын орой болон өндөр газраар явах: оройлон явах (өндөрлөг газраар нь явах);

---

3. Ургамал боловсрохоосоо өмнө цацаглах буюу орой, толгой гарах: оройлон ургах (орой гарч цацаглан ургах);

---

4. [шилжсэн] Тэргүүлэх, толгойлох: бусдыг оройлон явах (бусдыг тэргүүлэн явах), тэмцэлд оройлох (тэмцэлд толгойлох), оройлон удирдах (олныг манлайлан удирдах) - Оройлон удирдах нам үүсэх явдалд оросын их хувьсгалын үлгэр дуурайлыг тусгаж чаджээ. Ж.Дамдин. Үймээний жил., оройлох манлайлах [хоршоо] (бүхний түрүү, тэргүүнд үлгэрлэх).