1. Уулын ноён орой, дээд тал - Отгон тэнгэрийн цаст цагаан оргил өвлийн шөнийн оддын дор цахиланхан... байна. С.Эрдэнэ. Миний эх орон-миний тоонот., ноён оргил (уулын хамгийн өндөр хэсэг), оргилд нь гарах (уулын оройд гарах), оргилоос буух (уулын оройгоос буух), оргил орой [хоршоо] (уулын дээд тал), үзүүр орой [хоршоо] (юмны шувтарга буюу дээд орой), омгийн оройд эрдэм тогтохгүй, оргилын оройд ус тогтохгүй [зүйр цэцэн үг] (бардам зантай бол эрдэм сурахгүй гэсэн санаа);

---

2. Аливаа зүйлийн хэр хэмжээний хамгийн дээд түвшин: эрдмийн оргил (эрдмийн дээд), оргил ачаалал (хамгийн их ачаалалтай үе), алдрын оргилд хүрэх (гарамгай амжилт гарган алдарших);

---

3. Ямар нэгэн зүйлийн оргих байдал: оргил ихтэй (дээш оргин гарах байдал их байгаа нь);

---

4. [шилжсэн] Зохиолын үйл явдлын зөрчил тэмцэл туйлдаа хүрсэн нь.