1. Усанд хөвөгч тээврийн хэрэгсэл: усан онгоц (усанд хөвөгч тээврийн хэрэгсэл), далбаат онгоц (далбааг салхинд хийсгэн явах тээврийн хэрэгсэл), галт онгоц (далай тэнгис, гол мөрөнд явах уурын хөдөлгүүртэй онгоц), уурын онгоц (уурын хөдөлгүүртэй онгоц), гуя онгоц (ухмал гуалинг холбож хийсэн онгоц), сал онгоц (холс мод зэргийг зэрэгцүүлэн холбож хийсэн усны урсгал дагуу хөвөх, голдуу мод түлээ тээвэрлэх хэрэгсэл), гар онгоц (бүхэл модыг ухаж хийсэн цөөн хүн сууж явдаг бяцхан хөлөг онгоц), шумбагч онгоц (усны мандал болон усан доогуур шумбан явах онгоц), шувуун онгоц (хамар шуумгай, хойд тал нь тэгш хэлбэртэй усны онгоц), онгоцны зангуу (онгоцыг зогсооход хэрэглэх төмөр хэрэгсэл), онгоцны шураг (онгоцон дээр босгосон өндөр мод), онгоцны дөр (онгоц хөтлөх оосор), онгоцны дарвуул (онгоцонд өлгөсөн салхи үлээлгэх том даавуу), онгоцны хитэг (онгоцны бөгс), онгоцны алмуур (онгоц залах хүрз), онгоцны сэлбүүр (онгоц сэлэх урт мод), онгоцны гэзэг (усанд тавих онгоцны дээгүүр хөндлөн хүлж тогтоосон мод), хөлөг онгоц [хоршоо] (тусгай багаж, тоног төхөөрөмжөөр үйлдвэрлэсэн хүчин чадал ихтэй усанд хөвөгч тээврийн хэрэгсэл) - Их далайд аварга том хөлөг онгоц хөвөхийг гэв гэнэт олж үзэв. Л.Дашням. Бурхантын цэцэг;
--oOo--