1. Ам амсар бүхий юмны нээлттэй, задгай: онгорхой цонх (а. Нээлттэй цонх; б. Шил нь хагарсан буюу шилгүй цонх), хаалга онгорхой (хаалга задгай байгаа нь) - Хаалга нь онгорхой байсан юм уу. П.Хорлоо. Түүвэр зохиол., хашааны онгорхойгоор гарах (хашаанд байгаа нүх буюу нурж унасан хэсгээр гарах), хагас онгорхой (дутуу нээгдсэн нь);

---

2. Ямар нэгэн зүйлд нүх гарсан нь: хэрмийн онгорхой (хэрмийн нурж унасан хэсэг), онгорхой гэр (дээвэр бүрээс нь урагдаж цоорсон муу гэр) - Хаяа хатавч нь онгорхой муу гэр нь өдрийн цагт цас дүүрч... орхино. Л.Содов. Хаврын нар., онгорхой цоорхой [хоршоо] (урагдаж навтран, онгойж цонгойсон байдал);

---

3. [шилжсэн] Эзэнгүй, хоосон: суудал онгорхой (эзлэх хүнгүй сул суудал) - Урин залахад ирдэггүй, олбог суудал нь дандаа онгорхой байдаг. Ж.Пүрэв. Гурван зангилаа., онгорхой орон тоо (тухайн ажлын орон тоо сул, ажиллаж буй хүнгүй байгаа нь);

---

4. [шилжсэн] Хөндий: онгорхой хар буу (сум гарах нүх нь том буу) - Бүдүүн төмөртэй онгорхой хар буугаа яаралгүй авч... мөрөвчлөв. Л.Түдэв. Уулын үер.