1. Ялмын төрлийн өндөр өвс, үрээс нь тос гаргаж авна, үндэс, навч, цэцэг нь эмийн найрлагад орно: олсны тос (олсны үрээс гаргаж авсан тос) - Бас нөгөөх Мишка хятадын туршиж байгаа олс, чангаанз ургаж тэсдэг болов уу, үгүй болов уу? Л.Түдэв. Нүүдэл суудал;

---

2. Мөн ургамлаар хийсэн татлага, дээс: олсон аргамж (олсоор хийсэн морь мал тогтоох урт уяа), олсон нэхмэл (олсон утсаар нэхсэн нэхмэл), олсон шаа (хөвөн олс хоёрын холимог ээрмэлээр нэхсэн артай бөс) - Би салны сүүлэнд бэхэлсэн урт олсыг тайлав. Д.Мягмар. Уянгын туужууд., олс дээс [хоршоо] (олсоор хийсэн татлага, уяа), олс татлага [хоршоо] (ямар нэгэн зүйлийг хүлж баглах, дарж бөхлөх уяа), олсон хараацай [амьтан] (хараацайн төрлийн сэвх бүхий шувуу, хятран хараацай), олсны хүч эрчиндээ байдаг, олны хүч дэмэндээ байдаг [зүйр цэцэн үг] (аливаа бүхэн өөрийн зүй тогтолтой байх).