1. Үнэ өртөггүй олсон зүйл: олбор олох (үнэ төлбөргүй зүйл олох, олз олох), олз олбор [хоршоо] (ямар нэгэн зарлагагүйгээр олсон зүйл) - Ан гөрөө хийж олсон олз олбороор мал малын захтай… байлаа. А.Дашням. Хүрэндэлтийн хүүхэн., *олбор хөвүүн (өргөмөл хөвүүн), олзын юм гарзгүй, олборын юм төлбөргүй [зүйр цэцэн үг] (үнэ өртөггүй олдох зүйл гэсэн санаа), *олбор ядах (нүүр тал харж өршөөх);

---

2. Эртний хот балгадын туурь, булш бунхнаас гарах эд агуурс, олдвор: эрт үеийн олбор (эрт үеийн хүмүүсийн эдэлж хэрэглэж байсан зүйл) - Эрт галавын арвин их олбор олоод цааш хөдөлсөн билээ. Ж.Дамдин. Миний монгол;

---

3. Үйлдвэрлэл, худалдааны орлого - Хоёр хөгшин үнээний дөрвөн хөх харан суухаас өөр гадна талаас хумсны төдий ч олз олбор оруулахаа больжээ. Б.Нямаа. Арандалынхан., олбор олох (үйлчилгээ явуулж ашиг олох);

---

4. [шилжсэн] Ашигт малтмал.