1. Улам ойр болох, дөхөх: гэртээ ойртох (гэртээ дөхөх), газар ойртох (зорьж яваа газрын зай улам багасах) - Алдарт Шилийн богд ойртох тутам Хонгор өдөр явахаа зогсож шөнө явдаг болов. Ч.Лодойдамба. Тунгалаг Тамир., мярааж ойртох (сэм гэтэн дөхөх);

---

2. Цаг хугацаа хүрэх шахах, шахамдах: явах өдөр ойртох (явах өдөр дөхөх, явах цаг болж байх), өвөл ойртох (намрын улирал дуусаж, өвөл шахах), *нохойн дуу ойртох (а. Айл ойртох; б. Хийж байгаа зүйл дуусах дөхөх) - Сургууль төгсөх нохойн дуу ойртоод л байна гэж Төмөр хэллээ. Д.Найманжин. Оломгүй далай;

---

3. Төрөл садны холбоо ойр болох: цус ойртох (хамаатан садан хүмүүс хоорондоо гэрлэх);

---

4. Харьцаа дотно болох: ойртохгүй байх (хэн нэгэнтэй дотносон нөхөрлөхгүй, ганцаар байх), ойртон нөхөрлөх (дотносон найзлах), ойртож болдоггүй улаан барс, халдаж болдоггүй хар хамуу [зүйр цэцэн үг] (ааш зан муутай, зожиг ганцаардмал хүн гэсэн санаа), оочих усгүй, ойртох ханьгүй [зүйр цэцэн үг] (зожиг зантай хүн гэсэн санаа);

---

5. [шилжсэн] Ялгаа зөрүү бага болох.