Хэвийн хэмжээнээс богино, жижиг, давжаа: одой хүн (биеэр хэтэрхий жижиг, бяцхан хүн) - Африкийн хамгийн шинэ хотын цагаан гэрэл хар арьстан одой нарыг гэрэлтүүлсээр байгаа шүү дээ. С.Эрдэнэ. Малын хөлийн тоос., одой шүд (бусад шүдний хажууд ургасан жижиг шүд), одой тахиа [амьтан] (охор хөлтэй нэг зүйл тахиа), одой сараана [ургамал] (тод улаан өнгийн цэцэгтэй, эргэж нугарсан уртавтар хэлбэрийн зургаан хэлтэстэй, цоморлоггүй, дэлбэрхүү дан шадар эрхтэнтэй, дохиур зургаа, үр боловсрох орон нэг, хонхорцог хэлбэрийн үр жимстэй, уулын энгэр, хажуугийн нуга хээрт ургадаг олон наст ургамал; эм гоёлын чимэглэлийн зориулалтаар ашигладаг).