1. Өөд хөөрөх, өргөгдөх: нар огших (нар хөөрөх) - Наран огшмогц газраас тасарч ядсан мөөгний манан нэвсийн хөглөрнө. З.Баттулга. Уяхан Замбуутив., хормой огших (дээлийн хормой өргөгдөн гадагш эргэх) - Хормой хөнгөрөн огших хонгор залуу цагтаа, саахалт айлын адуучтай санаа сэтгэл нийлж... Д.Пүрэвдорж. Шүлгүүд;

---

2. Аливаа зүйл уг байрнаасаа сугаран дээш болох: мөөр огших (т‎эрэгний дугуйн мөөр суларч илүү гарах), хадаас огших (хадсан хадаас суларч ил гарах), орноосоо огшиж, суудлаасаа сугарах [зүйр цэцэн үг] (а. Ихэд цочих; б. [шилжсэн] Уурлах);

---

3. Мэс хуйнаасаа аяндаа сугарах: сэлэм огших (сэлэм гэрнээсээ сугарах) - Дайтахын урьд шөнө сэлэм нь сугараад тар хийж огшдог гэнэ. С.Удвал. Их хувь заяа;

---

4. Идэж уусан зүйл буцаж гарах, огшуурах: хүүхдийн сүү огших (хүүхэд сүүгээрээ гулгих), цусаар огших (цус ам хамраар садран гарах) - Үл олдох ор ширээнээ ганцаар оршиж, цусаар огшиж үхэв. Гурван улсын үлгэр;

---

5. [шилжсэн] Санаа сэтгэл хөөрч догдлох: сэтгэл огших (сэтгэл хөөрөх) - Мэхтнийг мэхэнд нь зоох бодлын тулгамд сэтгэл огшин, унаатныг дагах арга хайна. Г.Батаа нар. Онцгой даалгавартан.