1. Нөхөрлөх үйлийн нэр - Гүнтэв гуай надад дотночлон хуучилсан тэр л өдрөөс бид хоёрын нөхөрлөл эхэлсэн шиг санагдана. Л.Дашням. Нялх ногоо., үнэнч нөхөрлөл (итгэлтэй дотнын харилцаа) - Анд нөхдөд үнэнч нөхөрлөл, зол жаргал... байдаг. Ч.Лхамсүрэн. Шүлэг., соёлч нөхөрлөл [хуучирсан] (соёлч байдлыг ‎эзэмшихийн төлөө эвлэлд‎эн нэгдэх нь), сэхээтний нөхөрлөл [хуучирсан] (социалист хөдөлмөрийн төлөө бригадад туслах зорилгоор сэхээтнүүд эвлэлдэн нэгдэх нь), нөхөрлөлийн гэрээ (хоёр улс хоорондын хамтын харилцаагаа хөгжүүлэхийн төлөөх гэрээ бичиг), үерхэл нөхөрлөл [хоршоо] (хүмүүсийн санаа сэтгэл нийлэн дотносох нь), эв нөхөрлөл [хоршоо] (найрсаг, дотно харьцаа), нэг өдрийн танилцал, мянган өдрийн нөхөрлөл [зүйр цэцэн үг] (санаа зорилго нийлэх хүмүүсийн дотно найзууд болж чадна гэсэн санаа);

---

2. Хэсэг хүмүүс хөрөнгөө нийлүүлэн байгуулсан хоршоо - Гуравдугаар бүгд хурлын тогтоолд зааснаар анхан шатны нөхөрлөл, хоршоолол болгох байсан юм гэж бодно. Ц.Уламбаяр. Зовлон жаргал.