1. Санаа сэтгэл таардаг, үзэл санаа, үйл ажил, аж амьдрал зэргээр ойр дотнын хүн: нөхөр садан (төрлийн холбоотой хүн) - Түүнд туслахаар гарах төрөл төрөгсөд ба нөхөр садан нэг ч үгүй. Ж.Боккаччо. Декамерон., сайн нөхөр (дотны найз) - Өөр замаар явсан боловч өлзийтэй сайн нөхөр минь мөн билээ чи. Монголын нууц товчоо., бааз нөхөр [хоршоо] (найз нөхөр), найз нөхөр [хоршоо] (дотно үерхэж, нөхөрлөсөн хүмүүс), нөхөр сэлт [хоршоо] (ойр дотны хүмүүс) - Хамт хэдэн өдөр авлахад Тайзу түүний нөхөр сэлтэд идээ ундаа ханатал идүүлэв. В.Инжаннаши. Хөх судар., нөхрийн шүүх [хуучирсан] (хэн нэгний ялимгүй осол эндэгдлийг хамт олноороо зөвлөн хэлэлцэж засах олон нийтийн байгууллага), сүүдрээ үзэж биеэ зас, нөхрөө үзэж эрдэм сур [зүйр цэцэн үг] (бусдаас үлгэр дуурайл авч алдаа дутагдлаа засах гэсэн санаа);

---

2. Бүсгүй хүний эр, хань: нөхөр дагах (эмэгтэй хүн гэрлээд ханиа даган явах), нөхөрт гарах (бүсгүй хүн гэрлэх), эхнэр нөхөр [хоршоо] (гэр бүлийн хүмүүс), нөхөр сүүдэр [хоршоо] (а. Хань ижил; б. Найз нөхөд), нөхөр хүүхэд [хоршоо] (ханилсан эр болоод төрүүлсэн үр хүүхэд) - Сайхан зантай хоёр хөгшний түшигт орсон Долгор хонь хариулж явахдаа нөхөр хүүхэд хоёрынхоо тухай бодно. Ч.Лодойдамба. Тунгалаг Тамир., хань нөхөр [хоршоо] (а. Анд нөхөр, хамтрагч - Энэ чухам ах дүү нөхөр ханийн ёс мөн. В.Инжаннаши. Хөх судар; б. Амьдралаа холбон дэр нэгтгэсэн эр); хоршоо нөхөр [хоршоо] (анд нөхөр, холбоо сүлбээ);

---

3. Хэн нэгнийг албархаг өнгөөр дуудахад хэрэглэнэ - Нөхөр! чи наад зэвсгээ хураалга гэлээ. Ц.Уламбаяр. Зовлон жаргал;

---

4. [xуучирсан] Цэрэг эр.