1. Бие биеийг барин дийлэх, дийлдэхээ үзэх - Ням гуайн өгсөн балингийн гурил булаалдаж бид хоёр сайн ноцолддог байж билээ. Ч.Лодойдамба. Тунгалаг Тамир., хүүхэд ноцолдох (хүүхдүүд харилцан зууралдаж тэмцэх);

---

2. Мэх дутуу хүний барилдах: ноцолдох янзтай (цаашид сайн барилдах байдалтай) - Энэ зангаа татаж явбал овоо ноцолдож мэдмээр юм санж. Ж.Дамдин. Монгол бөх;

---

3. Аливаа зүйлийг бүтээх гэж махран оролдох, удаан хийх - Хүлгийн жолоо цулбуур, уурга хуйвтай ноцолдож явсан гэдэгт хэн чиг эргэлзэмгүй билээ. Д.Цэдэв. Айргийн амт., ачаатайгаа ноцолдох (ачаагаа янзлах гэж махран оролдох) - Гагцхүү Дамбий Цамба хоёр ачаатайгаа ноцолдсоор байгаад арай л үерт үйчихсэнгүй. Л.Түдэв. Нүүдэл., хонь малтай ноцолдох (хонь мал малласаар удах), эмнэг хангалтай ноцолдох (эмнэг хангалыг ‎эдэлгээ уналгад сургахаар оролдох);

---

4. Салахгүй дагаж ноололдох, наадах: хөөцөлдөн ноцолдох (бие биетэйгээ хөөцөлдөн тоглох) - Залуучууд хүүхдүүд хөөцөлдөн ноцолдож, эрхлэн тоглоно. Ч.Ойдов. Их жанжин Сүхбаатар танаа., ноцолдох ноололдох [хоршоо] (бие биетэйгээ барьцалдан тоглох), ноцолдоод нударгалахаа мартах (тухайн үйл хэргийг бүтээх ид үед хэрэглэвэл зохих арга барилаа мартах гэсэн санаа).