Унтаа сэрүүн хоёрын хоорондох байдал, дутуу сэрсэн нь: нойрмог дуу (унтаж байгаад сэрсэн залхуудуу дуу) - Гэрийн үзүүрийн тулсан эрэгний нөмрөөс “Бат уу” гэж асуух нойрмог дуу сулхан гарлаа. Ч.Лодойдамба. Тунгалаг Тамир., нойрмог нүд (нойрноосоо бүрэн сэргээгүй, унтаа мэт харагдах нүд), нойрмог хүүхэд (дутуу сэрсэн хүүхэд), нойрмог зүүрмэг [хоршоо] (унтаа сэрүүн хоёрын дунд, дэн дун), нойрмог назгай [хоршоо] (унтаа сэрүүн хоёрын дунд, идэвхгүй байдал), [шилжсэн] нойрмогийн жүжиг (сонирхолгүй жүжиг), нойрмогийн дуу (удаан аятай, цоглог биш дуу хөгжим).