1. Худалдаа, арилжааны ажил: наймаа алдах (зарлагаа нөхөж чадахгүй алдагдалд орох), наймаа буцах (а. Худалдсан зүйл‎ээ эргүүлж авах; б. Урьд тохирсноо хүчингүй болгох), наймаа таарах (худалдаа, арилжаа хийхд‎ээ үнийн тал дээр санал нийлэх), наймаа гүйлгэх (наймаа хийх), наймаа хийх (худалдаа ‎эрхлэх), наймаа хаялцах (худалдаа, арилжаанд үнэ тохирох) - Тэр хоёр наймаа хаялцаж байлаа. Л.Түдэв. Нүүдэл суудал., дамын‎ наймаа (эд зүйлийг дамлан зарах явдал), панз наймаа [хоршоо] (дамлан зарж худалдах явдал) -  Наймаа панз ч хийчихд‎эг, үг ярианд х‎элэмгий ц‎эцэн, цог золбоотой. Ж.Дамдин. Үймээний жил; наймаа панз үс‎эргэх (а. Худалдаа арилжаа хийх; б. Бараа бүтээгдэхүүнийг дамлан зарж борлуулах), арилжаа наймаа [хоршоо] (эд юмыг солилцон худалдах ажил), арилжаа наймаа хийх (худалдаа хийх) - Уг нь тэнд жаахан арилжаа наймаа хийж, хэд хонох гэж очсон юм. Ж.Дамдин. Миний монгол., наймаа гүйлгээ [хоршоо] (худалдаа, дамлан арилжих нь), худалдаа наймаа [хоршоо] (эд зүйл худалдаж борлуулах үйл ажиллагаа), *наймаа алдчихсан хятад шиг (уруу дорой царайлан бодлогошрох байдал), *наймаа таарахгүй (санал нийлэхгүй байх) - Ертөнцийг үзэх үзэл дээр хүрч ирэхэд “наймаа таарахгүй” юм гараад ирдэг байв. Б.Ринчен. Өмнө этгээдэд зорчсон тэмдэглэл., наймаа намтай өндөртэй, нас залуутай хөгшинтэй [зүйр цэцэн үг] (наймаа хийх‎эд ашиг орлого янз бүр байдаг гэсэн санаа);

---

2. Худалдааны ажил э‎рхэлдэг хятад хүн - Тэр пүүсийн хэдэн наймаа бас хөөрхий яа… гэв. Б.Ринчен. Гүнж.