1. Мод, ургамлын мөчрийн нарийн уян үзүүр: модны найлзуур (модны мөчир, мөчрийн нарийн үзүүр), найлзуур бургас (бутлан ургах нарийн мөчирт бургас), мөчир найлзуур [хоршоо] (мод, ургамлын мөчир болон мөчрийн нарийн үзүүр) - Нарийхан мөчир найлзуур нүүрийг нь ороолгон, бут буриагуул хормойг нь чангаана. Ж.Дамдин. Миний Монгол., найлзуурыг засаж нуруу болгодог, нялхыг өсгөж эр болгодог [зүйр цэцэн үг] (мод ургамлын мөчрийг тордон сэлбэсээр урт сайхан нуруу болгодог, нялх балчир хүүхдийг өсгөж хүмүүжүүлэн эр хүн болгодог гэсэн санаа);

---

2. Нялх мод: найлзуур мод (зулзаган мод) - Найлзуур мод үзэсгэлэнтэй, найртай залуус үерхэлтэй. ААЗ., найлзуурын эрвээхий [амьтан] (мөчрийн модлог эдийн дотор амьдарч, нахиа найлзуурыг гэмтээдэг хуйлаахайн овгийн нэгэн зүйл эрвээхий).