Урлаг спорт, шинжлэх ухаан, техникийн тодорхой салбарын мэдлэгийг тогтолцоотой эзэмшсэн мэдлэг, чадвар: мэргэжил эзэмших (шинжлэх ухааны аль нэг салбарыг илүүтэй судлан эзэмшсэн мэдлэг) - Жолооч зэрэг мэргэжил эзэмшин ажиллаж байна. Н.Батбаяр. Өндөрт хатгасан туг., мэргэжлийн диплом (тухайн салбарын мэдлэг эзэмшсэн гэдгийг батлах гэрчилгээ бичиг), ажил мэргэжил [хоршоо] (эрхэлж буй хөдөлмөр болон эзэмшсэн мэдлэг), мэргэжил дадлага [хоршоо] (тогтолцоотой эзэмшсэн мэдлэг, түүнийгээ амьдралд хэрэглэх чадвар), мэргэжил чадвар [хоршоо] (мэдлэг чадвар), мэддэг нь гарч, мэргэжил нь тодрох [зүйр цэцэн] (эзэмшсэн мэдлэг чадвар нь тодорхой болох гэсэн санаа).